ലോക നന്മയ്ക്കായി കാലിത്തൊഴുത്തില്‍ പിറന്നുവീണ യേശുദേവന്റെ നല്ല ചിന്തകളും പ്രവൃത്തികളും ഓര്‍മിപ്പിച്ച് സ്‌കൂളില്‍ ക്രിസ്തുമസ് ആഘോഷിച്ചു. സ്‌കൂളും പരിസരവും അലങ്കരിച്ചും ക്രിസ്തുമസ് ട്രീ ഒരുക്കിയും മധുരം നല്‍കിയുമാണ് ആഘോഷങ്ങള്‍ നടന്നത്. ബേള കോണ്‍വെന്റിലെ സിസ്റ്റര്‍മാരായ ഫ്‌ളോറിന്‍, ട്രീസ എന്നിവര്‍ ക്രിസ്തുമസ് സന്ദേശവും പാട്ടുകളുമായി കുട്ടികള്‍ക്കൊപ്പം ചേര്‍ന്നു. അപ്പൊഴേക്കും മിഠായിപ്പൊതികളുമായി അപ്പൂപ്പനും എത്തി. നാലാം തരം വിദ്യാര്‍ത്ഥി സവിന്‍ ലാല്‍ ആണ് അപ്പൂപ്പനായി കുട്ടികള്‍ക്കുമുന്നിലെത്തിയത്. പിടിഎ പ്രസിഡന്റ് എസ്.നാരായണ അധ്യക്ഷത വഹിച്ചു. മാനേജന്‍ എം.ശങ്കരന്‍ നമ്പ്യാര്‍, അസിസ്റ്റന്റ് മാനേജര്‍ അശോകന്‍, എംപിടിഎ പ്രസിഡന്റ് ദിവ്യശ്രീ എന്നിവര്‍ പ്രസംഗിച്ചു. കുട്ടികളുടെ വിവിധ കലാപരിപാടികളും അരങ്ങേറി.
No comments:
Post a Comment
thankful to your feedback.....