ബെള്ളൂര്‍ ഹയര്‍സെക്കന്ററി സ്‌കൂളില്‍ സമാപിച്ച കുമ്പള ഉപജില്ലാ സ്‌കൂള്‍ കലോത്സവത്തില്‍ നമ്മുടെ വിദ്യാലയത്തിലെ കുട്ടികള്‍ മികച്ച പ്രകടനം കാഴ്ചവച്ചു. അറബിക് കലോത്സവത്തില്‍ ഒന്നാംതരം വിദ്യാര്‍ത്ഥിനി ഫാത്തിയ ഷദ പി.എസ് പദനിര്‍മാണത്തില്‍ ഒന്നാം സ്ഥാനവും എ ഗ്രേഡും നേടി. മലയാളം വിഭാഗം മോണോ ആക്ടില്‍ മുന്നാംതരം വിദ്യാര്‍ത്ഥിനി കെ.കീര്‍ത്തി രണ്ടാം സ്ഥാനവും എ ഗ്രേഡും കരസ്ഥമാക്കി. ശാസ്ത്രീയ സംഗീതത്തില്‍ മൂന്നാംതരം വിദ്യാര്‍ത്ഥിനി കെ.പി കീര്‍ത്തിപ്രഭ, അറബിക് പദ്യം, ക്വിസ് എന്നിവയില്‍ നാലാംതരം വിദ്യാര്‍ത്ഥിനി ഫാത്തിമത്ത് റാഹില എന്നിവര്‍ എ ഗ്രേഡും നേടി. മത്സരത്തില്‍ പങ്കെടുത്ത മറ്റുകുട്ടികളും നല്ല പ്രകടനം കാഴ്ചവച്ചു. സമ്മാനാര്‍ഹിതരായ മുഴുവന്‍ വിദ്യാര്‍ത്ഥികളെയും വിദ്യാലയത്തില്‍വെച്ച് അനുമോദിച്ചു. പ്രധാനാധ്യാപിക ആര്‍.സിന്ധു സര്‍ട്ടിഫിക്കേറ്റുകളും ട്രോഫിയും സമ്മാനിച്ചു.
No comments:
Post a Comment
thankful to your feedback.....